pantun mandailing

Posted: Maret 15, 2013 in Uncategorized

Muda sabara asa sabustak
Bope salumpat saindege
Hasonanganna so unjung manta
Bo baritana sai tarbege

Tu dia on manoto
Taji ni manuk di rumbungan
Tu dia on binoto
Dapot di ari paruntungan

Pangaritan pamonggolan
Obanon tu ranting ni bulu
Parkancittan pardangolan
Obanon tu jae tu julu

Lasiak ni roburan
Bolas mardangka pe suada
Na sia panomuan
Bolas markata pe suada

Laklak di ginjang pintu
Singkoru tagolom golom
Maranak nian sampulu pitu
Marboru sampulu onom

Siganda sigandua
Tu dangka ni singgolom
Na sada on gabe dua
Na tolu gabe onom

Bintang na rumiris
Ombun na sumorop
Anak pe nian riris
Boru pe torop

Malos Dingin dingin
Na malos sarang banua
Horas tondi madingin
Ulang hita barang mangua

MAGNUPA

Habang ma langkupa
Na songgop tu hapadan
Niungkap ma pangupa
Pangupa ni tondi dohot badan

Nitampul ma hapadan
Na nitampul dohot horis
Pangupa ni tondi dohot badan
Upa horas upa torkis

Niumpat ma diupa
Na malos di las ni ari
Niungkap ma pangupa
Di hananaek ni mata ni ari

Salak ni sibangkua
Putihon di las ni ari
Manaek sangap dohot tua
Songon parnaek ni mata ni ari

Duri ni pangkat
Tu duri ni hotang
Tusi hamu mangalangka
Tusi dapotan pancamotan

 

About these ads
Komentar

Berikan Balasan

Isikan data di bawah atau klik salah satu ikon untuk log in:

WordPress.com Logo

You are commenting using your WordPress.com account. Logout / Ubah )

Twitter picture

You are commenting using your Twitter account. Logout / Ubah )

Facebook photo

You are commenting using your Facebook account. Logout / Ubah )

Google+ photo

You are commenting using your Google+ account. Logout / Ubah )

Connecting to %s